Ўш вилояти эпидемиологик вазият бўйича етакчи ўринни эгаллади. Вазият ёмонлашаётганини Соғлиқни сақлаш вазирлигининг Ўш вилояти бўйича координатори Шаятбек Абдураҳмонов пандемияга қарши курашиш бўйича Ўш вилояти штаб йиғилишида маълум қилди.
“Ўш вилоятида вазият қийин. Бугунги кунда 537 киши даволанмоқда. Уларнинг 217 нафари оғир аҳволда. Кеча Ўш вилоятида икки бемор вафот этди. Бугун вилоятда 64 кишидан пневмония, 22 кишидан тожливирус аниқланди. Ўш вилоят касалхонасида жой қолмаган. Аравон туманидан касаллар кўпроқ. Беморлар касалхоналарга оғир аҳволда келишмоқда. Унинг биринчи сабаби – беморлар уйда ёки хусусий шифохоналарда даволанаётганда жуда оғир аҳволда бизга мурожаат қилишмоқда», – деди Абдураҳмонов.
Вилоят раҳбари Байиш Юсупов жой этишмаётганини айтиб, қайси туман яшовчисидан касаллик аниқланса касалхонага ётқизилиши кераклигини айтди. Шунингдек, у касаллик манбасини аниқлаш бўйича кўрсатма берди.
“Касалликнинг олдини олиш бўйича яхши иш қилмаяпсизлар. Республика штаби ҳам менга яхши ишламаётганингизни айтмоқда. Энди биз туманлар билан онлайн ишлаймиз. Шунда сизлар ҳамма нарсани айтиб берасизлар. Биз ҳар ҳафта онлайн учрашувлар ўтказамиз ”, – деди Юсупов.
Ўш вилоятида жами 1400 та ўрин тайёрланган.
